David Navara

 Çexiya

Təvəllüd: 27mart 1985

FİDE reytinqi: 2739(mart 2019) 

Ən yüksək reytinqi: 2751 (may 2015)

Reytinq sıralaması: 18

David Navara Çexiyanın görkəmli qrossmeysteridir və öz ölkəsində ən yüksək reytinqə malik olan şahmatçıdır. İlk dəfə 2004-cu ildə ölkə çempionu adını qazanmış və sonralar həmin nailiyyəti 2005, 2010, 2012, 2013, 2014, 2015 və 2017-ci illərdə təkrar etmişdir.

Çexiya yığmasının tərkibində 2012-ci ildə İstanbulda keçirilən Olimpiadada ikinci lövhədə 11 oyundan 9.5 xal toplayaraq şəxsi hesabda ikinci nəticə göstərmişdir.

Ən yükcək nailiyyəti kimi 2011-ci ildə  Xantı-Mantiyskdə keçirilən Dünya Kubokunun 1/4 finalına vəsiqəsini qeyd etmək olar, yalnız Aleksandr Qrişukdan acınacaqlı məğlubiyyət daha da irəliləməyə imkan verməmişdir.

2014-cü ildə Navara blits üzrə Avropa çempionatının qalibi adını qazanmışdır.