Məkan
Foto  |   Virtual tur

Şəmkirdəki Heydər Əliyev mərkəzi 11 sentyabr 2013-cü ildə açılıb. Mərkəzin təntənəli açılış mərkəzində Azərbaycan Respublikasının Prezidenti İlham Əliyev iştirak edib.

Mərkəzin orijinal dizayna malik dördmərtəbəli binası valehedici gözəlliyə malik, 14 hektar ərazisi olan şəhər parkının ərazisində yerləşir.

Binanın foyesində ümummilli lider Heydər Əliyevin abidəsi ucaldılıb. Xüsusi monitorlarda bir çox dillərdə böyük liderin həyat fəaliyyətinin müxtəlif dövrlərini əks etdirən videoçarxlar, Heydər Əliyevin reallaşdırdığı irimiqyaslı layihələr barədə informasiya nümayiş olunur.

Mərkəzdə qalareya, 3D kinozalı, kitabxana, bar, tərcümə otağı və mühazirə zalı fəaliyyət göstərir. Kitabxanada ümummilli lider Heydər Əliyev barədə kitablar, elektron vasitələr var.

Mərkəzə gələnlər həmçinin, elektron kitabxananın virtual otaq xidmətlərindən istifadə edə bilər. Mərkəzin 2-ci mərtəbəsində muzey fəaliyyət göstərir. Burada ümummilli lider Heydər Əliyevin şəxsi arxivindən eksponatlar, onun həyat və fəaliyyətinin müxtəlif illərini əks etdirən fotolar nümayiş olunur. Mərkəzdə olduqca gözəl dizayna malik zal da fəaliyyət göstərir. Burada Həşimovun xatirəsinə memorial turnir keçirilir.

Şəmkirdə inşa edilmiş Heydər Əliyev mərkəzi ümummilli liderin xatirəsinin dərin ehtiramına bir nümunədir.