Maqnus Karlsen

 Norveç

Təvəllüd: 30 noyabr 1990

FİDE reytinqi: 2845 (mart 2019) 

Ən yüksək reytinqi: 2882 (may 2014)

Reytinq sıralaması: №1

2013-cü ildə 23 yaşında Dünya çempionu adını qazanan Karlsen hazırda da şahmat tacının sahibidir.

O, reytinqi 2882 həddinə kimi yüksəltmiş və bu şahmat tarixində ən yüksək göstərici kimi qeyd olunub.

Karlsen eyni zamanda blits üzrə son Dünya çempionudur. 

Maqnus Karlsen 13 yaş 148 günlüyündə qrossmeyster adını qazanarkən o zaman ən gənc ikinci qrossmeyster kimi tarixə düşüb.

2013-cü ildə M. Karlsen “Time” jurnalında “ilin ən nüfuzlu 100 insanı” və “Business Insider” tərəfindən “iş dünyasının ən uğurlu insanları” sırasına daxil olunub. Norveçli şahmatçı həmin il London Times tərəfindən “İlin gənc adamı” mükafatına da layiq görülmüşdür.

2018-ci ildə Fabiano Karuana ilə Dünya çempionu titulu uğrunda keçirilən matçın 12 partiyasında heç-heçə qeydə alınır və rapiddə 3-0 hesabı ilə qalib gələn Karlsen çempionluq adını qorumuş olur.

Karlsen cari ilin 12-27 yanvar tarixləri arasında 81-ci Tata Steel  turnirində iştirak edərək, 13 oyundan 9 xal ilə birincilik əldə edir və yeddinci dəfə Veyk-An-Zee turnirində qalib olmaqla rekorda imza atır.

Karlsen üç dəfə Vüqar Həşimovun xatirəsinə həsr olunmuş Shamkir Chess turnirinin qalibi olmuşdur.