Sergey Karyagin

 Rusiya

12 yanvar 1990-cı ildə anadan olub. FİDE reytinqi: 2778 (Aprel 2018)

Ukrayna əsilli Sergey Aleksandroviç Karyakin Rusiyanı təmsil edir. O, 12 yaş 7 aylığında olarkən ən gənc qrossmeyster kimi Dünya şahmat tarixinə adını yazdırıb.

2016-cı ilin martında Karyakin İddiaçılar turnirində qələbə qazanmaqla şahmat tacı uğrunda mübarizə aparmaq imkanı əldə edib. 2016-cı il noyabr ayında Dünya çempionluğu matçında, Maqnus Karlsenlə mübarizədə tay-brekdə uduzmaqla tarixi uğurun bir addımlığından geri dönüb.

Karyakin 2012-ci ildə sürətli şahmat üzrə Dünya çempionu olub, 2015-ci ildə Bakıda keçirilən Dünya Kubokunda qalib adını qazanıb. 2016-cı ildə blitz üzrə Dünya çempionatında birinci yeri tutub.

Ümumdünya Şahmat Olimpiadalarında üç dəfə Ukrayna və dörd dəfə Rusiya yığmasının şərəfini qoruyaraq, üç qızıl, iki gümüş və iki bürünc medal əldə edib. Karyakin 2013-cü ildə Rusiya yığmasının heyətində milli komandalar arasında Antalyada keçirilən Dünya çempionatının qalibidir. Karyakin sonuncu İddiacılar turnirinin iştirakçısıdır.